Subscribe to our newsletter and get our newest updates

Naji Shakir

  • Ghazal


dekh mohan teri kamar ki taraf


dekh mohan tirī kamar kī taraf
phir gayā maanī apne ghar kī taraf

jin ne dekhe tire lab-e-shīrīñ
nazar us kī nahīñ shakar kī taraf

hai muhāl un kā daam meñ aanā
dil hai maa.il butāñ kā zar kī taraf

tere ruḳhsār kī safā.ī dekh
chashm daanā kī na.iiñ guhar kī taraf

haiñ ḳhushāmad-talab sab ahl-e-duval
ġhaur karte na.iiñ hunar kī taraf

māh-rū ne safar kiyā hai jidhar
dil mirā hai usī nagar kī taraf

hashr meñ pāk-bāz hai 'nājī'
bad-amal jā.eñge saqar kī taraf

dekh mohan teri kamar ki taraf
phir gaya mani apne ghar ki taraf

jin ne dekhe tere lab-e-shirin
nazar us ki nahin shakar ki taraf

hai muhaal un ka dam mein aana
dil hai mail butan ka zar ki taraf

tere ruKHsar ki safai dekh
chashm dana ki nain guhar ki taraf

hain KHushamad-talab sab ahl-e-duwal
ghaur karte nain hunar ki taraf

mah-ru ne safar kiya hai jidhar
dil mera hai usi nagar ki taraf

hashr mein pak-baz hai 'naji'
bad-amal jaenge saqar ki taraf

RECITATIONS Fasih Akmal



00:00/00:00 dekh mohan teri kamar ki taraf Fasih Akmal

Source: Rooh-e-Ghazal,Pachas Sala Intekhab

Leave a comment

+