kuchh to ta.alluq kuchh to lagāo
mere dushman hī kahlāo

dil sā khilaunā haath aayā hai
khelo toḌo jī bahlāo

kal aġhyār meñ baiThe the tum
haañ haañ koī baat banāo

kaun hai ham sā chāhne vaalā
itnā bhī ab dil na dukhāo

husn thā jab mastūr hayā meñ
ishq thā ḳhūn-e-dil kā rachāo

husn banā jab bahtī gañgā
ishq huā kāġhaz kī naav

shab bhar kitnī rāteñ guzrīñ
hazrat-e-dil ab hosh meñ aao

kuchh to talluq kuchh to lagao
mere dushman hi kahlao

dil sa khilauna hath aaya hai
khelo toDo ji bahlao

kal aghyar mein baiThe the tum
han han koi baat banao

kaun hai hum sa chahne wala
itna bhi ab dil na dukhao

husn tha jab mastur haya mein
ishq tha KHun-e-dil ka rachao

husn bana jab bahti ganga
ishq hua kaghaz ki naw

shab bhar kitni raaten guzrin
hazrat-e-dil ab hosh mein aao

RECITATIONS Nomaan Shauque



00:00/00:00 kuchh to talluq kuchh to lagao Nomaan Shauque