Subscribe to our newsletter and get our newest updates

Davarka Das Shola

  • Ghazal


dil-e-be-muddaa ka muddaa kya


dil-e-be-mudda.ā kā mudda.ā kyā
use yaksāñ ravā kiyā nāravā kyā

jinheñ har saañs bhī ik marhala hai
unheñ raas aa.e duniyā kī havā kyā

koī suntā nahīñ hai muflisoñ kī
ġharīboñ kā payambar kyā ḳhudā kyā

nigāh-e-dost meñ jachtā nahīñ jab
to phir maiñ kyā mirā zehn-e-rasā kyā

baḌā achchhā kiyā aaj aa ga.e tum
chalo chhoḌo na aa.e kal huā kyā

jo ḳhud dast-e-talab phailā rahā ho
sakhī bhī ho to us kā aasrā kyā

agar majbūr hai jiine par insāñ
to phir kaise kaTe ye sochnā kyā

dil-e-be-muddaa ka muddaa kya
use yaksan rawa kiya narawa kya

jinhen har sans bhi ek marhala hai
unhen ras aae duniya ki hawa kya

koi sunta nahin hai muflison ki
gharibon ka payambar kya KHuda kya

nigah-e-dost mein jachta nahin jab
to phir main kya mera zehn-e-rasa kya

baDa achchha kiya aaj aa gae tum
chalo chhoDo na aae kal hua kya

jo KHud dast-e-talab phaila raha ho
sakhi bhi ho to us ka aasra kya

agar majbur hai jine par insan
to phir kaise kaTe ye sochna kya


Leave a comment

+