jab hameñ masjid jaanā paḌā hai
raah meñ ik mai-ḳhāna paḌā hai

jā.iye ab kyuuñ jānib-e-sahrā
shahr to ḳhud vīrāna paḌā hai

ham na piyeñge bhiik kī saaqī
le ye tirā paimāna paḌā hai

harj na ho to dekhte chaliye
raah meñ ik dīvāna paḌā hai

ḳhatm huī sab raat kī mahfil
ek par-e-parvāna paḌā hai

jab hamein masjid jaana paDa hai
rah mein ek mai-KHana paDa hai

jaiye ab kyun jaanib-e-sahra
shahr to KHud virana paDa hai

hum na piyenge bhik ki saqi
le ye tera paimana paDa hai

harj na ho to dekhte chaliye
rah mein ek diwana paDa hai

KHatm hui sab raat ki mahfil
ek par-e-parwana paDa hai

RECITATIONS Nomaan Shauque



00:00/00:00 jab hamein masjid jaana paDa hai Nomaan Shauque