rāh-rau chup haiñ rāhbar ḳhāmosh
kaise guzregā ye safar ḳhāmosh

koī hañgāma-e-hayāt nahīñ
raat ḳhāmosh hai sahar ḳhāmosh

zindagī ko kahāñ talāsh kareñ
kūcha kūcha nagar nagar ḳhāmosh

bazm meñ vo ḳhamosh kyā hoñge
ho sake jo na daar par ḳhāmosh

rah-rau chup hain rahbar KHamosh
kaise guzrega ye safar KHamosh

koi hangama-e-hayat nahin
raat KHamosh hai sahar KHamosh

zindagi ko kahan talash karen
kucha kucha nagar nagar KHamosh

bazm mein wo KHamosh kya honge
ho sake jo na dar par KHamosh

Source: Book : Nuskha Hai Wafa (Kulliyat-e-Faiz) (Pg. 705) Publication : Educational Publishing House (2009) Edition : 2009