jo nekī kar ke phir dariyā meñ is ko Daal jaatā hai
vo jab duniyā se jaatā hai to mālā-māl jaatā hai
sambhal kar hī qadam rakhnā bayābān-e-mohabbat meñ
yahāñ se jo bhī jaatā hai baḌā behāl jaatā hai
kabhī bhūke paḌosī kī ḳhabar to lī nahīñ us ne
magar karne vo umra aur haj har saal jaatā hai
manā.ūñ har baras jashn-e-vilādat kis liye āḳhir
yahāñ har saal merī umr kā ik saal jaatā hai
hai duniyā tak hī apnī dastaras meñ daulat-e-duniyā
faqat hamrāh apne nāma-e-a.amāl jaatā hai
binā dekhe ḳhudā ko māntā huuñ is liye 'sāhil'
koī to hai jo ham ko roz daana Daal jaatā hai
jo neki kar ke phir dariya mein is ko Dal jata hai
wo jab duniya se jata hai to mala-mal jata hai
sambhal kar hi qadam rakhna bayaban-e-mohabbat mein
yahan se jo bhi jata hai baDa behaal jata hai
kabhi bhuke paDosi ki KHabar to li nahin us ne
magar karne wo umra aur haj har sal jata hai
manaun har baras jashn-e-wiladat kis liye aaKHir
yahan har sal meri umr ka ek sal jata hai
hai duniya tak hi apni dastaras mein daulat-e-duniya
faqat hamrah apne nama-e-amal jata hai
bina dekhe KHuda ko manta hun is liye 'sahil'
koi to hai jo hum ko roz dana Dal jata hai
Leave a comment