Subscribe to our newsletter and get our newest updates

Hakeem Manzoor

  • Ghazal


koi payam ab na payambar hi aaega


koī payām ab na payambar hī aa.egā
vo shab hai āsmān se patthar hī aa.egā

jā kar vo apne shahr se us ko yaqīn hai
paanī pe koī naqsh banā kar hī aa.egā

itnā badal gayā huuñ ki pahchānñe mujhe
aa.egā vo to ḳhud se guzar kar hī aa.egā

be-dar kā ik makān rulātā hai raat din
us kā bhī dil jo hogā kabhī bhar hī aa.egā

kyā soch ke gayā hai ḳhalāoñ kī sair ko
ab ke parind lauT ke be-par hī aa.egā

ḳhushbū kā intizār na kar baiTh kar yahāñ
shīshe ke is makān meñ patthar hī aa.egā

patthar koī fazā meñ muallaq rahegā kyuuñ
'manzūr' tai hai ye kisī sar par hī aa.egā

koi payam ab na payambar hi aaega
wo shab hai aasman se patthar hi aaega

ja kar wo apne shahr se us ko yaqin hai
pani pe koi naqsh bana kar hi aaega

itna badal gaya hun ki pahchanne mujhe
aaega wo to KHud se guzar kar hi aaega

be-dar ka ek makan rulata hai raat din
us ka bhi dil jo hoga kabhi bhar hi aaega

kya soch ke gaya hai KHalaon ki sair ko
ab ke parind lauT ke be-par hi aaega

KHushbu ka intizar na kar baiTh kar yahan
shishe ke is makan mein patthar hi aaega

patthar koi faza mein muallaq rahega kyun
'manzur' tai hai ye kisi sar par hi aaega


Leave a comment

+