Subscribe to our newsletter and get our newest updates

Ejaz Azmi

  • Ghazal


KHwab o tabir-e-be-nishan main tha


ḳhvāb o ta.abīr-e-be-nishāñ maiñ thā
ek rūdād-e-rā.egāñ maiñ thā

do taraf thā hujūm sadiyoñ kā
ek lamha sā darmiyāñ maiñ thā

bahte paanī pe jis kī thī buniyād
ḳhaam miTTī kā vo makāñ maiñ thā

maiñ vahāñ huuñ jahāñ nahīñ koī
kuchh nahīñ thā jahāñ vahāñ maiñ thā

sūrat-e-nuqta-e-hubāb 'ejāz'
mahram-e-bahr-e-bekarāñ maiñ thā

KHwab o tabir-e-be-nishan main tha
ek rudad-e-raegan main tha

do taraf tha hujum sadiyon ka
ek lamha sa darmiyan main tha

bahte pani pe jis ki thi buniyaad
KHam miTTi ka wo makan main tha

main wahan hun jahan nahin koi
kuchh nahin tha jahan wahan main tha

surat-e-nuqta-e-hubab 'ejaz'
mahram-e-bahr-e-bekaran main tha


Source: Book : Tahreek Silver Jubilee Number (Pg. 412) Author : Gopal Mittal, Makhmoor Saeedi, Prem Gopal Mittal Publication : Monthly Tahreek, 9, Ansari Market, Daryaganj, New Delhi-110002 (Edition July, Aug., Sep. Oct. 1978,Volume No. 26,Issue No. 4,5,6,7,) Edition : Edition July, Aug., Sep. Oct. 1978,Volume No. 26,Issue No. 4,5,6,7,

Leave a comment

+