Subscribe to our newsletter and get our newest updates

Mahirul Qadri

  • Ghazal


abhi dasht-e-karbala mein hai buland ye tarana


abhī dasht-e-karbalā meñ hai buland ye tarāna
yahī zindagī haqīqat yahī zindagī fasāna

tirā kaam tan kī puujā mirā kaam man kī sevā
mujhe justujū yaqīñ kī tujhe fikr-e-āb-o-dāna

mire shauq-e-muztarib se hai ravāñ nizām-e-hastī
jo Thahar ga.ī mohabbat to Thahar gayā zamāna

vo faqīh-e-kū-e-bātin hai adū-e-dīn-o-millat
kisī ḳhauf-e-duniyavī se jo tarāsh de fasāna

tirā ḳhār-o-ḳhas pe takiya mirā ishq par bharosa
mujhe barq se mohabbat tujhe ḳhauf-e-āshiyāna

mire jazb-e-dil ko 'māhir' koī kyā samajh sakegā
mirī shā.irī kī had se abhī duur hai zamāna

abhi dasht-e-karbala mein hai buland ye tarana
yahi zindagi haqiqat yahi zindagi fasana

tera kaam tan ki puja mera kaam man ki sewa
mujhe justuju yaqin ki tujhe fikr-e-ab-o-dana

mere shauq-e-muztarib se hai rawan nizam-e-hasti
jo Thahar gai mohabbat to Thahar gaya zamana

wo faqih-e-ku-e-baatin hai adu-e-din-o-millat
kisi KHauf-e-duniyawi se jo tarash de fasana

tera KHar-o-KHas pe takiya mera ishq par bharosa
mujhe barq se mohabbat tujhe KHauf-e-ashiyana

mere jazb-e-dil ko 'mahir' koi kya samajh sakega
meri shairi ki had se abhi dur hai zamana

RECITATIONS Nomaan Shauque



00:00/00:00 abhi dasht-e-karbala mein hai buland ye tarana Nomaan Shauque

Leave a comment

+