aaj tak dil kī aarzū hai vahī
phuul murjhā gayā hai bū hai vahī

sau bahāreñ jahāñ meñ aa.ī ga.iiñ
māya-e-sad-bahār tū hai vahī

jo ho puurī vo aarzū hī nahīñ
jo na puurī ho aarzū hai vahī

maan letā huuñ tere va.ade ko
bhuul jaatā huuñ maiñ ki tū hai vahī

tujh se sau baar mil chuke lekin
tujh se milne kī aarzū hai vahī

sabr aa jaa.e is kī kyā ummīd
maiñ vahī, dil vahī hai, tū hai vahī

ho ga.ī hai bahār meñ kuchh aur
varna sāġhar vahī subū hai vahī

umr guzrī talāsh meñ lekin
garmī-hā-e-justujū hai vahī

mai-kade kā 'jalīl' rañg na pūchh
raqs-e-jām o ḳhum o subū hai vahī

aaj tak dil ki aarzu hai wahi
phul murjha gaya hai bu hai wahi

sau bahaaren jahan mein aai gain
maya-e-sad-bahaar tu hai wahi

jo ho puri wo aarzu hi nahin
jo na puri ho aarzu hai wahi

man leta hun tere wade ko
bhul jata hun main ki tu hai wahi

tujh se sau bar mil chuke lekin
tujh se milne ki aarzu hai wahi

sabr aa jae is ki kya ummid
main wahi, dil wahi hai, tu hai wahi

ho gai hai bahaar mein kuchh aur
warna saghar wahi subu hai wahi

umr guzri talash mein lekin
garmi-ha-e-justuju hai wahi

mai-kade ka 'jalil' rang na puchh
raqs-e-jam o KHum o subu hai wahi

Source: Book : Jab Fasl-e-baharn aai thi (Pg. 279) Author : padm Shri Dr. Kaleem Ahmed Aajiz Publication : Sunrise Plastic Works, Patna (1990) Edition : 1990