Subscribe to our newsletter and get our newest updates

Wahshat Raza Ali Kalkatvi

  • Ghazal


sang-e-tiflan fida-e-sar na hua


sañg-e-tiflāñ fidā-e-sar na huā
aaj us kūche meñ guzar na huā

ham bhī the jauhar-e-girāñ-māya
par koī sāhib-e-nazar na huā

amn-ālam meñ kyuuñ nahīñ yā rab
is ke qābil magar bashar na huā

be-kasī parda-dār-e-dard huī
ḳhair guzrī ki apnā ghar na huā

qadrdānī kī kaifiyat mālūm
aib kyā hai agar hunar na huā

sar jhukā.e jo aate ho 'vahshat'
magar is bazm meñ guzar na huā

sang-e-tiflan fida-e-sar na hua
aaj us kuche mein guzar na hua

hum bhi the jauhar-e-giran-maya
par koi sahib-e-nazar na hua

amn-alam mein kyun nahin ya rab
is ke qabil magar bashar na hua

be-kasi parda-dar-e-dard hui
KHair guzri ki apna ghar na hua

qadrdani ki kaifiyat malum
aib kya hai agar hunar na hua

sar jhukae jo aate ho 'wahshat'
magar is bazm mein guzar na hua

RECITATIONS Nomaan Shauque



00:00/00:00 sang-e-tiflan fida-e-sar na hua Nomaan Shauque

Source: Book : Intekhab Kalam (Pg. 69)

Leave a comment

+