Subscribe to our newsletter and get our newest updates

Najma Usman

  • Ghazal


rifaqat ko kisi ki ro rahi hun


rifāqat ko kisī kī ro rahī huuñ
bharī mahfil meñ tanhā ho rahī huuñ

har ik chehra badaltā jā rahā hai
maiñ ḳhā.if ā.inoñ se ho rahī huuñ

suno maiñ zindagī kī zulmatoñ meñ
sadāqat ke ujāle bo rahī huuñ

havā ke dukh kī chādar oḌh lī hai
bichhā kar āñsuoñ ko so rahī huuñ

mirī miTTī ko shāyad narm rakkheñ
lahū se lafz likh kar bo rahī huuñ

bujhā kar saarī ḳhushiyāñ bām-o-dar kī
maiñ ik vīrān ghar meñ so rahī huuñ

rifaqat ko kisi ki ro rahi hun
bhari mahfil mein tanha ho rahi hun

har ek chehra badalta ja raha hai
main KHaif aainon se ho rahi hun

suno main zindagi ki zulmaton mein
sadaqat ke ujale bo rahi hun

hawa ke dukh ki chadar oDh li hai
bichha kar aansuon ko so rahi hun

meri miTTi ko shayad narm rakkhen
lahu se lafz likh kar bo rahi hun

bujha kar sari KHushiyan baam-o-dar ki
main ek viran ghar mein so rahi hun


Leave a comment

+