Subscribe to our newsletter and get our newest updates

Yusuf Jamal

  • Ghazal


unhen qaid karne ki koshish hai kaisi


unheñ qaid karne kī koshish hai kaisī
ḳhalā meñ sadāoñ kī bandish hai kaisī

nihāñ mujh meñ hai aur mere badan kā
lahū chāTtī hai jo ḳhvāhish hai kaisī

mujhe muskurāne kī kis ne sazā dī
mirī zaat par ye navāzish hai kaisī

milī ḳhushbuoñ ke jazīre kī dāvat
mujhe phir rulāne kī sāzish hai kaisī

muqaddar meñ hai jab hamāre añdhere
nazar meñ sarābī sī tābish hai kaisī

nagar hai ye phūloñ kā to phir yahāñ par
chaTāneñ ugāne kī kāvish hai kaisī

bahut shaad ābād rakhnā thā us ko
zamīn par lahū kī ye bārish hai kaisī

unhen qaid karne ki koshish hai kaisi
KHala mein sadaon ki bandish hai kaisi

nihan mujh mein hai aur mere badan ka
lahu chaTti hai jo KHwahish hai kaisi

mujhe muskurane ki kis ne saza di
meri zat par ye nawazish hai kaisi

mili KHushbuon ke jazire ki dawat
mujhe phir rulane ki sazish hai kaisi

muqaddar mein hai jab hamare andhere
nazar mein sarabi si tabish hai kaisi

nagar hai ye phulon ka to phir yahan par
chaTanen ugane ki kawish hai kaisi

bahut shad aabaad rakhna tha us ko
zamin par lahu ki ye barish hai kaisi


Leave a comment

+