lahūluhān samundar bhī dekhnā hai abhī
burīda halq pe ḳhanjar bhī dekhnā hai abhī

abhī se dasht-e-balā se farāġhateñ kaisī
buland hotā huā sar bhī dekhnā hai abhī

musālahat kahāñ hogī sipāh-e-shām ke saath
zabāñ kī nok pe ḳhanjar bhī dekhnā hai abhī

namīda chashm-e-masāfat kī intihā bhī nahīñ
udaas nasl ko zad par bhī dekhnā hai abhī

tumhāre ḳhvāb mirī uñgliyoñ se bāhar haiñ
tumhāre ḳhvāb ko chhūkar bhī dekhnā hai abhī

lahuluhan samundar bhi dekhna hai abhi
burida halq pe KHanjar bhi dekhna hai abhi

abhi se dasht-e-bala se faraghaten kaisi
buland hota hua sar bhi dekhna hai abhi

musalahat kahan hogi sipah-e-sham ke sath
zaban ki nok pe KHanjar bhi dekhna hai abhi

namida chashm-e-masafat ki intiha bhi nahin
udas nasl ko zad par bhi dekhna hai abhi

tumhaare KHwab meri ungliyon se bahar hain
tumhaare KHwab ko chhukar bhi dekhna hai abhi

Source: Book : Kainat-e-Jalil Manakpuri (Pg. 133)