Subscribe to our newsletter and get our newest updates

Yusuf Zafar

  • Ghazal


main lipaTta raha hun Khaaron se


maiñ lipaTtā rahā huuñ ḳhāroñ se
tum ne pūchhā nahīñ bahāroñ se

chāñdnī se sahāb-pāroñ se
jī bahaltā hai yādgāroñ se

aa mire chāñd raat suunī hai
baat bantī nahīñ sitāroñ se

manzil-e-zindagī hai kitnī duur
pūchh letā huuñ rahguzāroñ se

baat jab bhī chhiḌī mohabbat kī
ḳhāmushī bol uThī mazāroñ se

ek bhī āftāb ban na sakā
laakh TuuTe hue sitāroñ se

shām-e-ġham bhī guzar ga.ī hai 'zafar'
khelte khelte ġhubāroñ se

main lipaTta raha hun KHaron se
tum ne puchha nahin bahaaron se

chandni se sahab-paron se
ji bahalta hai yaadgaron se

aa mere chand raat suni hai
baat banti nahin sitaron se

manzil-e-zindagi hai kitni dur
puchh leta hun rahguzaron se

baat jab bhi chhiDi mohabbat ki
KHamushi bol uThi mazaron se

ek bhi aaftab ban na saka
lakh TuTe hue sitaron se

sham-e-gham bhi guzar gai hai 'zafar'
khelte khelte ghubaron se


Source: Book : Rang Sapno ke (Pg. 23) Author : Pramod Sharma 'Asar' Publication : Amrit Parkashan (2016) Edition : 2016

Leave a comment

+