Subscribe to our newsletter and get our newest updates

Hafeez Shahid

  • Ghazal

kab ka guzar chuka hai wo mausam shabab ka


kab kā guzar chukā hai vo mausam shabāb kā
ab zikr hai fuzūl vafā kī kitāb kā

fursat mile to dekh zarā dil kā aa.ina
is meñ hai aks tere gunāh-o-savāb kā

chup-chāp hāl-e-ahl-e-nazar dekhte raho
hai kis ke paas vaqt savāl-o-javāb kā

har shaḳhs ghir gayā hai na.e iztirāb meñ
toḌā hai jis ne qufl dar-e-iztirāb kā

rakhtā hai tere rū-e-hasīñ se mushābahat
har shāḳh par sajā hai jo chehra gulāb kā

kaafī hai us kī zaat ke irfān ke liye
mauj-e-havā ke dosh pe uḌnā sahāb kā

'shāhid' jinheñ ḳhabar hai rumūz-hayāt kī
rakhte nahīñ hisāb ġham-e-be-hisāb kā

kab ka guzar chuka hai wo mausam shabab ka
ab zikr hai fuzul wafa ki kitab ka

fursat mile to dekh zara dil ka aaina
is mein hai aks tere gunah-o-sawab ka

chup-chap haal-e-ahl-e-nazar dekhte raho
hai kis ke pas waqt sawal-o-jawab ka

har shaKHs ghir gaya hai nae iztirab mein
toDa hai jis ne qufl dar-e-iztirab ka

rakhta hai tere ru-e-hasin se mushabahat
har shaKH par saja hai jo chehra gulab ka

kafi hai us ki zat ke irfan ke liye
mauj-e-hawa ke dosh pe uDna sahab ka

'shahid' jinhen KHabar hai rumuz-hayat ki
rakhte nahin hisab gham-e-be-hisab ka


Source: Book : Intekhabe Kalam (Pg. 61)

Leave a comment

+