zarā sī der ko aa.e the ḳhvāb āñkhoñ meñ
phir us ke ba.ad musalsal azaab āñkhoñ meñ

vo jis ke naam kī nisbat se raushnī thā vajūd
khaTak rahā hai vahī āftāb āñkhoñ meñ

jinheñ matā-e-dil-o-jāñ samajh rahe the ham
vo aa.ine bhī hue be-hijāb āñkhoñ meñ

ajab tarah kā hai mausam ki ḳhaak uḌtī hai
vo din bhī the ki khile the gulāb āñkhoñ meñ

mire ġhazāl tirī vahshatoñ kī ḳhair ki hai
bahut dinoñ se bahut iztirāb āñkhoñ meñ

na jaane kaisī qayāmat kā pesh-ḳhema hai
ye uljhaneñ tirī be-intisāb āñkhoñ meñ

javāz kyā hai mire kam-suḳhan batā to sahī
ba-nām-e-ḳhush-nigahī har javāb āñkhoñ meñ

zara si der ko aae the KHwab aankhon mein
phir us ke baad musalsal azab aankhon mein

wo jis ke nam ki nisbat se raushni tha wajud
khaTak raha hai wahi aaftab aankhon mein

jinhen mata-e-dil-o-jaan samajh rahe the hum
wo aaine bhi hue be-hijab aankhon mein

ajab tarah ka hai mausam ki KHak uDti hai
wo din bhi the ki khile the gulab aankhon mein

mere ghazal teri wahshaton ki KHair ki hai
bahut dinon se bahut iztirab aankhon mein

na jaane kaisi qayamat ka pesh-KHema hai
ye uljhanen teri be-intisab aankhon mein

jawaz kya hai mere kam-suKHan bata to sahi
ba-nam-e-KHush-nigahi har jawab aankhon mein

RECITATIONS Iftikhar Arif



00:00/00:00 zara si der ko aae the KHwab aankhon mein Iftikhar Arif

Source: Rooh-e-Ghazal,Pachas Sala Intekhab