poroñ poroñ zaḳhm huī huuñ
ḳhvāboñ kī sīḌhī se girī huuñ

kaasa mirā hai harf-e-tasallī
karam kā sikka maañg rahī huuñ

saa.e meñ us ke baiThnā chāhūñ
sadiyoñ se maiñ thakī huī huuñ

raah ke jis ne ḳhaar chune the
dil se us kī aaj huī huuñ

chehre par hai gard kā shīsha
andar se maiñ chamak rahī huuñ

poron poron zaKHm hui hun
KHwabon ki siDhi se giri hun

kasa mera hai harf-e-tasalli
karam ka sikka mang rahi hun

sae mein us ke baiThna chahun
sadiyon se main thaki hui hun

rah ke jis ne KHar chune the
dil se us ki aaj hui hun

chehre par hai gard ka shisha
andar se main chamak rahi hun