Subscribe to our newsletter and get our newest updates

Faiz Ahmad Faiz

  • Ghazal


wo buton ne Dale hain waswase ki dilon se KHauf-e-KHuda gaya


vo butoñ ne Daale haiñ vasvase ki diloñ se ḳhauf-e-ḳhudā gayā
vo paḌī haiñ roz qayāmateñ ki ḳhayāl-e-roz-e-jazā gayā

jo nafas thā ḳhār-e-gulū banā jo uThe the haath lahū hue
vo nashāt-e-āh-e-sahr ga.ī vo vaqār-e-dast-e-duā gayā

na vo rañg fasl-e-bahār kā na ravish vo abr-e-bahār kī
jis adā se yaar the āshnā vo mizāj-e-bād-e-sabā gayā

jo talab pe ahd-e-vafā kiyā to vo ābrū-e-vafā ga.ī
sar-e-ām jab hue mudda.ī to savāb-e-sidq-o-safā gayā

abhī bādbān ko tah rakho abhī muztarib hai ruḳh-e-havā
kisī rāste meñ hai muntazir vo sukūñ jo aa ke chalā gayā

wo buton ne Dale hain waswase ki dilon se KHauf-e-KHuda gaya
wo paDi hain roz qayamaten ki KHayal-e-roz-e-jaza gaya

jo nafas tha KHar-e-gulu bana jo uThe the hath lahu hue
wo nashat-e-ah-e-sahr gai wo waqar-e-dast-e-dua gaya

na wo rang fasl-e-bahaar ka na rawish wo abr-e-bahaar ki
jis ada se yar the aashna wo mizaj-e-baad-e-saba gaya

jo talab pe ahd-e-wafa kiya to wo aabru-e-wafa gai
sar-e-am jab hue muddai to sawab-e-sidq-o-safa gaya

abhi baadban ko tah rakho abhi muztarib hai ruKH-e-hawa
kisi raste mein hai muntazir wo sukun jo aa ke chala gaya

Videos
This video is playing from YouTube Videos
This video is playing from YouTube Zehra Nigaah

Leave a comment

+