Subscribe to our newsletter and get our newest updates

Abbas Dana

  • Ghazal


aql-o-danish ko zamane se chhupa rakkha hai


aql-o-dānish ko zamāne se chhupā rakkhā hai
ḳhud ko dānista hī dīvāna banā rakhā hai

ghar kī vīrāniyāñ le jaa.e churā kar koī
isī ummīd pe darvāza khulā rakkhā hai

ban ga.e ūñche mahal un kī ibādat gāheñ
naam daulat kā jahāñ sab ne ḳhudā rakkhā hai

qābil-e-rashk se vo duḳhtar-e-muflis jis ne
tañg-dastī meñ bhī izzat ko bachā rakkhā hai

jis ke mahloñ meñ charāġhoñ kā na thā koī shumār
us kī turbat pe faqat ek diyā rakkhā hai

is se baḌh kar tirī yādoñ kī karūñ kyā tāzīm
terī yādoñ meñ zamāne ko bhulā rakkhā hai

surḳh-rū ho ga.iiñ tanhā.iyāñ merī 'dānā'
us ne kāñdhe pe mire dast-e-hinā rakkhā hai

aql-o-danish ko zamane se chhupa rakkha hai
KHud ko danista hi diwana bana rakha hai

ghar ki viraniyan le jae chura kar koi
isi ummid pe darwaza khula rakkha hai

ban gae unche mahal un ki ibaadat gahen
nam daulat ka jahan sab ne KHuda rakkha hai

qabil-e-rashk se wo duKHtar-e-muflis jis ne
tang-dasti mein bhi izzat ko bacha rakkha hai

jis ke mahlon mein charaghon ka na tha koi shumar
us ki turbat pe faqat ek diya rakkha hai

is se baDh kar teri yaadon ki karun kya tazim
teri yaadon mein zamane ko bhula rakkha hai

surKH-ru ho gain tanhaiyan meri 'dana'
us ne kandhe pe mere dast-e-hina rakkha hai


Leave a comment

+