Subscribe to our newsletter and get our newest updates

Naeem Zarrar Ahmad

  • Ghazal


ho gae hum shikar phulon ke


ho ga.e ham shikār phūloñ ke
haiñ ġhazab iḳhtiyār phūloñ ke

merī tanhā.iyāñ batātī haiñ
phuul hote haiñ yaar phūloñ ke

ek manzil hai muḳhtalif rāheñ
rañg haiñ be-shumār phūloñ ke

aaj phūloñ ke ālamī din par
us ne bheje haiñ ḳhaar phūloñ ke

phuul haiñ sher bū-e-gul dhun hai
ham haiñ naġhma-nigār phūloñ ke

ho gae hum shikar phulon ke
hain ghazab iKHtiyar phulon ke

meri tanhaiyan batati hain
phul hote hain yar phulon ke

ek manzil hai muKHtalif rahen
rang hain be-shumar phulon ke

aaj phulon ke aalami din par
us ne bheje hain KHar phulon ke

phul hain sher bu-e-gul dhun hai
hum hain naghma-nigar phulon ke


Leave a comment

+