go ye rakhtī nahīñ insān kī hālat achchhī
phir bhī sau kaam se duniyā ke mohabbat achchhī

kyā vo achchhā hai agar sirf hai sūrat achchhī
sūrat achchhī jo ḳhudā de to ho sīrat achchhī

vasl meñ ye jo huuñ bebāk to nikle matlab
aise mauqe pe hasīnoñ kī sharārat achchhī

jis meñ shoḳhī na sharārat na karishma na adā
aise ma.ashūq se miTTī kī hai mūrat achchhī

dost un kā jo hai barbād to dushman hai ḳharāb
lutf achchhā na hasīnoñ kī adāvat achchhī

shikva vo ḳhuub hai jis se ho lagāvaT zāhir
shukr kā jis meñ ho pahlū vo shikāyat achchhī

na huī qadr muqaddar kī burā.ī se 'hafīz'
kyā huā aap ne paa.ī jo tabī.at achchhī

go ye rakhti nahin insan ki haalat achchhi
phir bhi sau kaam se duniya ke mohabbat achchhi

kya wo achchha hai agar sirf hai surat achchhi
surat achchhi jo KHuda de to ho sirat achchhi

wasl mein ye jo hun bebak to nikle matlab
aise mauqe pe hasinon ki shararat achchhi

jis mein shoKHi na shararat na karishma na ada
aise mashuq se miTTi ki hai murat achchhi

dost un ka jo hai barbaad to dushman hai KHarab
lutf achchha na hasinon ki adawat achchhi

shikwa wo KHub hai jis se ho lagawaT zahir
shukr ka jis mein ho pahlu wo shikayat achchhi

na hui qadr muqaddar ki burai se 'hafiz'
kya hua aap ne pai jo tabiat achchhi

Source: Book : Quarterly TASTEER Lahore (Pg. 623) Author : Naseer Ahmed Nasir Publication : H.No.-21, Street No. 2, Phase II, Bahriya Town, Rawalpindi (Issue No. 1, 2, Jan To June.2011) Edition : Issue No. 1, 2, Jan To June.2011