baTe rahoge to apnā yūñhī bahegā lahū
hue na ek to manzil na ban sakegā lahū

ho kis ghamanD meñ ai laḳht laḳht dīda-varo
tumheñ bhī qātil-e-mehnat-kashāñ kahegā lahū

isī tarah se agar tum anā-parast rahe
ḳhud apnā rāh-numā aap hī banegā lahū

suno tumhāre garebān bhī nahīñ mahfūz
Daro tumhārā bhī ik din hisāb legā lahū

agar na ahd kiyā ham ne ek hone kā
ġhanīm sab kā yūñhī bechtā rahegā lahū

kabhī kabhī mire bachche bhī mujh se pūchhte haiñ
kahāñ tak aur tū ḳhushk apnā hī karegā lahū

sadā kahā yahī maiñ ne qarīb-tar hai vo duur
ki jis meñ koī hamārā na pī sakegā lahū

baTe rahoge to apna yunhi bahega lahu
hue na ek to manzil na ban sakega lahu

ho kis ghamanD mein ai laKHt laKHt dida-waro
tumhein bhi qatil-e-mehnat-kashan kahega lahu

isi tarah se agar tum ana-parast rahe
KHud apna rah-numa aap hi banega lahu

suno tumhaare gareban bhi nahin mahfuz
Daro tumhaara bhi ek din hisab lega lahu

agar na ahd kiya hum ne ek hone ka
ghanim sab ka yunhi bechta rahega lahu

kabhi kabhi mere bachche bhi mujh se puchhte hain
kahan tak aur tu KHushk apna hi karega lahu

sada kaha yahi main ne qarib-tar hai wo dur
ki jis mein koi hamara na pi sakega lahu

Source: Book : Jadeed Shora-e-Urdu (Pg. 526) Author : Dr. Abdul Wahid Publication : Feroz sons Printers Publishers and Stationers