Subscribe to our newsletter and get our newest updates

Hakim Mohammad Ajmal Khan Shaida

  • Ghazal


gudaz-e-dil se parwana hua KHak


gudāz-e-dil se parvāna huā ḳhaak
jiyā be-soz meñ to kyā jiyā ḳhaak

kisī ke ḳhūn-e-nāhaq kī hai surḳhī
rañgeñgī dast-e-qātil ko hinā ḳhaak

nigah meñ sharm ke badle hai shoḳhī
khule phir raat kā kyā mājrā ḳhaak

laboñ tak aa nahīñ saktā to phir maiñ
kahūñ kyā apne dil kā mudda.ā ḳhaak

bulandī se hai us kī Dar ki ik roz
karegī āshiyāñ barq-e-balā ḳhaak

na dekhā jin kā chehra gard-ālūd
paḌī hai un pe ab be-intihā ḳhaak

bayābāñ meñ phirā karte haiñ 'shaidā'
haqīqat meñ hai ulfat kī davā ḳhaak

gudaz-e-dil se parwana hua KHak
jiya be-soz mein to kya jiya KHak

kisi ke KHun-e-nahaq ki hai surKHi
rangengi dast-e-qatil ko hina KHak

nigah mein sharm ke badle hai shoKHi
khule phir raat ka kya majra KHak

labon tak aa nahin sakta to phir main
kahun kya apne dil ka muddaa KHak

bulandi se hai us ki Dar ki ek roz
karegi aashiyan barq-e-bala KHak

na dekha jin ka chehra gard-alud
paDi hai un pe ab be-intiha KHak

bayaban mein phira karte hain 'shaida'
haqiqat mein hai ulfat ki dawa KHak


Leave a comment

+