Subscribe to our newsletter and get our newest updates

Mah Laqa Chanda

  • Ghazal


hue janab mein ab tak na tere hum gustaKH


hue janāb meñ ab tak na tere ham gustāḳh
ḳhudā ke vāste ham se na ho sanam gustāḳh

chhupāyā rāz-e-mohabbat ko dil meñ par haihāt
kare hai naam mirā bad ye chashm-e-nam gustāḳh

jo aave jī meñ so kah le maiñ huuñ vo ai pyāre
rahūñ hazār huzūrī meñ par huuñ kam gustāḳh

kahā gale se lagā le tū iltifāt nahīñ
kahe hai tis pe mujhe kyuuñ tū dam-ba-dam gustāḳh

yahī ummīd hai 'chandā' ko ḳhūb-rūyoñ meñ
rakhe hamesha terā yā alī karam gustāḳh

hue janab mein ab tak na tere hum gustaKH
KHuda ke waste hum se na ho sanam gustaKH

chhupaya raaz-e-mohabbat ko dil mein par haihat
kare hai nam mera bad ye chashm-e-nam gustaKH

jo aawe ji mein so kah le main hun wo ai pyare
rahun hazar huzuri mein par hun kam gustaKH

kaha gale se laga le tu iltifat nahin
kahe hai tis pe mujhe kyun tu dam-ba-dam gustaKH

yahi ummid hai 'chanda' ko KHub-ruyon mein
rakhe hamesha tera ya ali karam gustaKH

RECITATIONS Azra Naqvi



00:00/00:00 hue janab mein ab tak na tere hum gustaKH Azra Naqvi

Leave a comment

+