Warning: session_start(): open(/tmp/sess_elp72uvm39ij8e7nka553k68i5, O_RDWR) failed: No space left on device (28) in /razi/eraazi/darbari/chunmun/index.php on line 15
mere na-rasa tasawwur ne suragh pa liya hai

Subscribe to our newsletter and get our newest updates

Owais Ahmad Dauran

  • Ghazal


mere na-rasa tasawwur ne suragh pa liya hai


mire nā-rasā tasavvur ne surāġh pā liyā hai
maiñ patā lagā chukā huuñ tū kahāñ kahāñ chhupā hai

mujhe kaun sar-bulandī kī taraf bulā rahā hai
mirā nargisī taḳhayyul to shikast khā chukā hai

tujhe qātiloñ ke narġhe se chhuḌā.egā na koī
ye hai maqtal ai musāfir tū kise pukārtā hai

sar-e-shām jo ġharīboñ ke diye bujhā rahī haiñ
unhīñ sāzishoñ kā markaz ye tirī mahal-sarā hai

koī mausamī parindoñ se kahe idhar na aa.eñ
abhī mere gulistāñ kī baḌī muzmahil fazā hai

sun ai merī pyārī duniyā mirī be-qarār duniyā
tirā dard-mañd shā.ir tire giit gā rahā hai

vo ba-zo.am-e-ḳhud gulistāñ kā hai sarbarāh 'daurāñ'
jo vo chāhe so karegā use kaun roktā hai

mere na-rasa tasawwur ne suragh pa liya hai
main pata laga chuka hun tu kahan kahan chhupa hai

mujhe kaun sar-bulandi ki taraf bula raha hai
mera nargisi taKHayyul to shikast kha chuka hai

tujhe qatilon ke narghe se chhuDaega na koi
ye hai maqtal ai musafir tu kise pukarta hai

sar-e-sham jo gharibon ke diye bujha rahi hain
unhin sazishon ka markaz ye teri mahal-sara hai

koi mausami parindon se kahe idhar na aaen
abhi mere gulistan ki baDi muzmahil faza hai

sun ai meri pyari duniya meri be-qarar duniya
tera dard-mand shair tere git ga raha hai

wo ba-zoam-e-KHud gulistan ka hai sarbarah 'dauran'
jo wo chahe so karega use kaun rokta hai


Leave a comment

+