Subscribe to our newsletter and get our newest updates

Bakhtiyar Ziya

  • Ghazal


karb mein pyar ke naghmat sunain kaise


karb meñ pyaar ke naġhmāt sunā.īñ kaise
ġham haqīqat se haqīqat ko chhupā.eñ kaise

lab-o-āriz ke taqāzoñ ko bhalā kar yaaro
duur aa pahuñche haiñ ab lauT ke jaa.eñ kaise

an-ginat jaam piye zillat-o-rusvā.ī ke
zindagī aur tire naaz uThā.eñ kaise

dil jo dukhtā hai 'ziyā' aañkh bhī bhar aatī hai
log fitrat ke taqāzoñ ko chhupā.eñ kaise

karb mein pyar ke naghmat sunain kaise
gham haqiqat se haqiqat ko chhupaen kaise

lab-o-ariz ke taqazon ko bhala kar yaro
dur aa pahunche hain ab lauT ke jaen kaise

an-ginat jam piye zillat-o-ruswai ke
zindagi aur tere naz uThaen kaise

dil jo dukhta hai 'ziya' aankh bhi bhar aati hai
log fitrat ke taqazon ko chhupaen kaise


Pachas Sala Intekhab"

Leave a comment

+