Subscribe to our newsletter and get our newest updates

Ehsan Ali Khan

  • Ghazal

hifz-e-gul ke liye rakhte jo nigahban kuchh aur


hifz-e-gul ke liye rakhte jo nigahbāñ kuchh aur
ho gayā phūloñ se mahrūm gulistāñ kuchh aur

luT ke sahme hue paudoñ ne ye sargoshī kī
ab nigahbānoñ pe rakkheñge nigahbāñ kuchh aur

shahr-e-dil kuchh to sajā leñ ki bharam rah jaa.e
husn-e-fāteh ko haiñ tārāj ke armāñ kuchh aur

vaqt har saañs ke badle meñ pasīna māñge
dil ye chāhe ki ho āsān bhī āsāñ kuchh aur

shahr se phir koī vahshī idhar aayā shāyad
aaj sahrā meñ haiñ andāz-e-ġhazālāñ kuchh aur

jin ko mashshātgī-e-zulf kā da.avā thā bahut
kar ga.e gesū-e-getī vo pareshāñ kuchh aur

phir kabhī ho ki na ho milne kī sūrat paidā
chand saa.at hī chale mahfil-e-yārāñ kuchh aur

kuchh na hone pe bahut kuchh hai mayassar 'ahsan'
kaash hote tire māmūre meñ insāñ kuchh aur

hifz-e-gul ke liye rakhte jo nigahban kuchh aur
ho gaya phulon se mahrum gulistan kuchh aur

luT ke sahme hue paudon ne ye sargoshi ki
ab nigahbanon pe rakkhenge nigahban kuchh aur

shahr-e-dil kuchh to saja len ki bharam rah jae
husn-e-fateh ko hain taraj ke arman kuchh aur

waqt har sans ke badle mein pasina mange
dil ye chahe ki ho aasan bhi aasan kuchh aur

shahr se phir koi wahshi idhar aaya shayad
aaj sahra mein hain andaz-e-ghazalan kuchh aur

jin ko mashshatgi-e-zulf ka dawa tha bahut
kar gae gesu-e-geti wo pareshan kuchh aur

phir kabhi ho ki na ho milne ki surat paida
chand saat hi chale mahfil-e-yaran kuchh aur

kuchh na hone pe bahut kuchh hai mayassar 'ahsan'
kash hote tere mamure mein insan kuchh aur


Source: Book : Chand Nagar (Pg. 91)

Leave a comment

+