na ġhair hī mujhe samjho na dost hī samjho
mire liye ye bahut hai ki aadmī samjho

maiñ rah rahā huuñ zamāne meñ saa.e kī sūrat
jahāñ bhī jaao mujhe apne saath hī samjho

har ek baat zabāñ se kahī nahīñ jaatī
jo chupke baiThe haiñ kuchh un kī baat bhī samjho

guzar to saktī haiñ rāteñ jalā jalā ke charāġh
magar ye kyā ki añdhere ko raushnī samjho

vo sher kahne lage ho tum ab to ai 'mahshar'
na koī aur hī samjhe na aap hī samjho

na ghair hi mujhe samjho na dost hi samjho
mere liye ye bahut hai ki aadmi samjho

main rah raha hun zamane mein sae ki surat
jahan bhi jao mujhe apne sath hi samjho

har ek baat zaban se kahi nahin jati
jo chupke baiThe hain kuchh un ki baat bhi samjho

guzar to sakti hain raaten jala jala ke charagh
magar ye kya ki andhere ko raushni samjho

wo sher kahne lage ho tum ab to ai 'mahshar'
na koi aur hi samjhe na aap hi samjho

RECITATIONS Nomaan Shauque



00:00/00:00 na ghair hi mujhe samjho na dost hi samjho Nomaan Shauque