Subscribe to our newsletter and get our newest updates

Ehtisham Husain

  • Ghazal


kyun yurish-e-tarab mein bhi gham yaad aa gae


kyuuñ yūrish-e-tarab meñ bhī ġham yaad aa ga.e
sochā tire karam ko sitam yaad aa ga.e

ai dost mai-kade meñ ye kaisī havā chalī
sab fitna-hā-e-dair-o-haram yaad aa ga.e

raushan abhī huā thā sar-e-jāda-hayāt
ik kākul-e-siyāh ke ḳham yaad aa ga.e

ab kyā dikhā rahā hai rah-e-māh-o-kahkashāñ
nāseh kisī ke naqsh-e-qadam yaad aa ga.e

ek ek kar ke TuuT chuke haiñ ḳhirad ke but
but-ḳhāna-e-junūñ ke sanam yaad aa ga.e

kyun yurish-e-tarab mein bhi gham yaad aa gae
socha tere karam ko sitam yaad aa gae

ai dost mai-kade mein ye kaisi hawa chali
sab fitna-ha-e-dair-o-haram yaad aa gae

raushan abhi hua tha sar-e-jada-hayat
ek kakul-e-siyah ke KHam yaad aa gae

ab kya dikha raha hai rah-e-mah-o-kahkashan
naseh kisi ke naqsh-e-qadam yaad aa gae

ek ek kar ke TuT chuke hain KHirad ke but
but-KHana-e-junun ke sanam yaad aa gae

Videos
This video is playing from YouTube Videos
This video is playing from YouTube Ehtisham Husain

Leave a comment

+