Subscribe to our newsletter and get our newest updates

Ghazal Ansari

  • Ghazal


ab zindagi ka koi sahaara nahin raha


ab zindagī kā koī sahārā nahīñ rahā
sab ġhair haiñ koī bhī hamārā nahīñ rahā

aġhyār kī nazar meñ rahe misl-e-ḳhār ham
ab jiinā jāgnā bhī hamārā nahīñ rahā

subā.ī asbiyat ne khilā.e kuchh aise gul
ab bhaa.ī bhaa.ī kā bhī sahārā nahīñ rahā

ab to hamārī naav hai tuġhyāniyoñ ke beach
nazdīk-o-dūr koī kinārā nahīñ rahā

ḳhūn-e-jigar se sīñchā thā ham ne jo ik shajar
haañ ab to vo shajar bhī hamārā nahīñ rahā

chun chun ke tinke ham ne banāyā thā āshiyāñ
ye kyā ġhazab vo ghar bhī hamārā nahīñ rahā

maazī kī kuchh hasīn sī yādeñ hī rah ga.iiñ
āñkhoñ meñ aur koī nazāra nahīñ rahā

ahl-e-chaman ye kahte haiñ aage baḌhūñ 'ġhazal'
ab koī haq chaman ye tumhārā nahīñ rahā

ab zindagi ka koi sahaara nahin raha
sab ghair hain koi bhi hamara nahin raha

aghyar ki nazar mein rahe misl-e-KHar hum
ab jina jagna bhi hamara nahin raha

subai asbiyat ne khilae kuchh aise gul
ab bhai bhai ka bhi sahaara nahin raha

ab to hamari naw hai tughyaniyon ke beach
nazdik-o-dur koi kinara nahin raha

KHun-e-jigar se sincha tha hum ne jo ek shajar
han ab to wo shajar bhi hamara nahin raha

chun chun ke tinke hum ne banaya tha aashiyan
ye kya ghazab wo ghar bhi hamara nahin raha

mazi ki kuchh hasin si yaaden hi rah gain
aankhon mein aur koi nazara nahin raha

ahl-e-chaman ye kahte hain aage baDhun 'ghazal'
ab koi haq chaman ye tumhaara nahin raha


Source: Book : Zarf-e-Gohar (Pg. 36) Author : Sayed-ul_Hassan Khan Publication : Sayed-ul-Hassan Khan (2016) Edition : 2016

Leave a comment

+