Warning: session_start(): open(/tmp/sess_2gkscsrfrgt4no7fs55l49h3m0, O_RDWR) failed: No space left on device (28) in /razi/eraazi/darbari/chunmun/index.php on line 15
gham-e-KHashak kya shoale ko hoga

Subscribe to our newsletter and get our newest updates

Mahshar Badayuni

  • Ghazal


gham-e-KHashak kya shoale ko hoga


ġham-e-ḳhāshāk kyā sho.ale ko hogā
vo raqsāñ ḳhud hī ik lamhe ko hogā

chaTānoñ kī shikast āsāñ nahīñ hai
bil-āḳhir TūTnā shīshe ko hogā

ḳhayāl-e-dushmanāñ hogā to vo bhī
kisī mujh se hī dil vaale ko hogā

ye ghar to ghar jabhī kahlā.eñge jab
ġham-e-ham-sāya ham-sā.e ko hogā

maiñ jab guzrūñgā is johd-e-safar se
marā pichhlā qadam uThne ko hogā

vo shor uThne lagā bāhar ki ab to
bachānā ghar ke sannāTe ko hogā

zamāne ko bhī ham ne kab kiyā ḳhush
zamāna ham se ḳhush kaahe ko hogā

gham-e-KHashak kya shoale ko hoga
wo raqsan KHud hi ek lamhe ko hoga

chaTanon ki shikast aasan nahin hai
bil-aKHir TuTna shishe ko hoga

KHayal-e-dushmanan hoga to wo bhi
kisi mujh se hi dil wale ko hoga

ye ghar to ghar jabhi kahlaenge jab
gham-e-ham-saya ham-sae ko hoga

main jab guzrunga is johd-e-safar se
mara pichhla qadam uThne ko hoga

wo shor uThne laga bahar ki ab to
bachana ghar ke sannaTe ko hoga

zamane ko bhi hum ne kab kiya KHush
zamana hum se KHush kahe ko hoga


Source: Book : jadeed urdu gazal (Pg. 221)

Leave a comment

+