Warning: session_start(): open(/tmp/sess_e1ts5s0b07eu3pbcshsp4s2i16, O_RDWR) failed: No space left on device (28) in /razi/eraazi/darbari/chunmun/index.php on line 15
sharar-e-ishq sadiyon ka safar karta hua

Subscribe to our newsletter and get our newest updates

Kabir Ajmal

  • Ghazal


sharar-e-ishq sadiyon ka safar karta hua


sharār-e-ishq sadiyoñ kā safar kartā huā
bujhā mujh meñ mujhī ko be-ḳhabar kartā huā

rumūz-e-ḳhāk bāb-e-mushtahar kartā huā
yūñhī ābād sahrā-e-hunar kartā huā

zamīn-e-justujū gard-e-safar kartā huā
ye mujh meñ kaun hai mujh se mafar kartā huā

abhī tak lahlahātā hai vo sabza aañkh meñ
vo mauj-e-gul ko meyār-e-nazar kartā huā

harīm-e-shab meñ ḳhuuñ rotā huā māh-e-tamām
nigār-e-sub.h qissa muḳhtasar kartā huā

mirī miTTī ko le pahuñchā dayār-e-yār tak
ġhubār-e-jāñ tavāf-e-chashm-e-tar kartā huā

takabbur le rahā hai imtihāñ phir azm kā
sitāroñ ko mire zer-e-asar kartā huā

falak-bosī kī ḳhvāhish tā.ir-e-vahshat ko thī
uḌā hai apnī miTTī darguzar kartā huā

sharar-e-ishq sadiyon ka safar karta hua
bujha mujh mein mujhi ko be-KHabar karta hua

rumuz-e-KHak bab-e-mushtahar karta hua
yunhi aabaad sahra-e-hunar karta hua

zamin-e-justuju gard-e-safar karta hua
ye mujh mein kaun hai mujh se mafar karta hua

abhi tak lahlahata hai wo sabza aankh mein
wo mauj-e-gul ko meyar-e-nazar karta hua

harim-e-shab mein KHun rota hua mah-e-tamam
nigar-e-subh qissa muKHtasar karta hua

meri miTTi ko le pahuncha dayar-e-yar tak
ghubar-e-jaan tawaf-e-chashm-e-tar karta hua

takabbur le raha hai imtihan phir azm ka
sitaron ko mere zer-e-asar karta hua

falak-bosi ki KHwahish tair-e-wahshat ko thi
uDa hai apni miTTi darguzar karta hua


Source: Haft Rang(Bijnor Ke Muqami Shora ka Intikhab-e-kalam)

Leave a comment

+