Warning: session_start(): open(/tmp/sess_iuqm5c6aibd56njuvms8aloav2, O_RDWR) failed: No space left on device (28) in /razi/eraazi/darbari/chunmun/index.php on line 15
begangi mein yunhi guzara karenge hum

Subscribe to our newsletter and get our newest updates

Talat Isharat

  • Ghazal


begangi mein yunhi guzara karenge hum


begāngī meñ yūñhī guzārā kareñge ham
bechain hoñ to ḳhud ko pukārā kareñge ham

ābādiyoñ ke huzn meñ sahrā ke shahr meñ
bastī na.ī basā ke nazārā kareñge ham

apne dukhoñ ko un kī ḳhushī meñ chhupā.eñge
un kī hañsī kī bheñT utārā kareñge ham

jo jī meñ aa.egā vo kareñge surūr meñ
phir fasl-e-gul ko ba.ad gavārā kareñge ham

nā-āshnā habīb kī be-e'tinā.ī par
bazm-e-taḳhayyulāt sañvārā kareñge ham

az-rū-e-intiqām tire dar tak ā.eñge
az-rū-e-mehar tujh se kinārā kareñge ham

apne har ek jhuuT pe īmān lā.eñge
apnī anā kā bojh utārā kareñge ham

begangi mein yunhi guzara karenge hum
bechain hon to KHud ko pukara karenge hum

aabaadiyon ke huzn mein sahra ke shahr mein
basti nai basa ke nazara karenge hum

apne dukhon ko un ki KHushi mein chhupaenge
un ki hansi ki bhenT utara karenge hum

jo ji mein aaega wo karenge surur mein
phir fasl-e-gul ko baad gawara karenge hum

na-ashna habib ki be-e'tinai par
bazm-e-taKHayyulat sanwara karenge hum

az-ru-e-intiqam tere dar tak aaenge
az-ru-e-mehar tujh se kinara karenge hum

apne har ek jhuT pe iman laenge
apni ana ka bojh utara karenge hum


Leave a comment

+