Subscribe to our newsletter and get our newest updates

Om Prabhakar

  • Ghazal


sar pe dast-e-hawa hai sadiyon se


sar pe dast-e-havā hai sadiyoñ se
ġhaib kā aasrā hai sadiyoñ se

sirf do paañv aur vasī.a zamīñ
ye bhī ik mo.ajiza hai sadiyoñ se

hai kam-o-besh nīlgūñ har shai
dard kā silsila hai sadiyoñ se

jaise paanī havā havā paanī
mujh meñ tū mubtalā hai sadiyoñ se

sunñe vaalā ho koī to sun le
ishq naġhma-sarā hai sadiyoñ se

sar pe dast-e-hawa hai sadiyon se
ghaib ka aasra hai sadiyon se

sirf do panw aur wasia zamin
ye bhi ek moajiza hai sadiyon se

hai kam-o-besh nilgun har shai
dard ka silsila hai sadiyon se

jaise pani hawa hawa pani
mujh mein tu mubtala hai sadiyon se

sunne wala ho koi to sun le
ishq naghma-sara hai sadiyon se


Pachas Sala Intekhab"

Leave a comment

+