terī āñkhoñ meñ jo nasha hai pazīrā.ī kā
rañg bhar de na mirī ziist meñ rusvā.ī kā

tujh ko afsūn-e-mohabbat kī zarūrat kyā thī
sehr kuchh kam to nahīñ thā tirī ra.anā.ī kā

dil to kyā chiiz hai jaañ us pe tasadduq kar duuñ
ye agar arbada bhī ho kisī harjā.ī kā

sochtā huuñ dil-e-betāb pe kyā guzregī
sāmnā ho gayā gar phir shab-e-tanhā.ī kā

kahīñ aisā na ho is lutf-o-mudārāt ke ba.ad
imtihāñ ho mire pindār-e-shakebā.ī kā

teri aankhon mein jo nasha hai pazirai ka
rang bhar de na meri zist mein ruswai ka

tujh ko afsun-e-mohabbat ki zarurat kya thi
sehr kuchh kam to nahin tha teri ranai ka

dil to kya chiz hai jaan us pe tasadduq kar dun
ye agar arbada bhi ho kisi harjai ka

sochta hun dil-e-betab pe kya guzregi
samna ho gaya gar phir shab-e-tanhai ka

kahin aisa na ho is lutf-o-mudaraat ke baad
imtihan ho mere pindar-e-shakebai ka

Source: Book : Kulliyat-e-daag(mehtaab-e-daag (Pg. 4)