Subscribe to our newsletter and get our newest updates

Yasmin Husaini Zaidi Nikhat

  • Ghazal


kaise har dard ko sine mein chhupae rakkhen


kaise har dard ko siine meñ chhupā.e rakkheñ
aur hoñToñ pe tabassum ko sajā.e rakkheñ

jo the apne vo zamāna huā sab chhoḌ ga.e
kab talak bazm ko ġhairoñ se sajā.e rakkheñ

ye sunā hai ki vahāñ der hai andher nahīñ
to chalo bahr-e-duā haath uThā.e rakkheñ

jab ye chhaT jā.eñge bādal to kiran phūTegī
sham.a ummīd kī ik ham bhī jalā.e rakkheñ

yuuñ to bhūle se bhī ab yaañ na koī aa.egā
ehtiyātan hī magar ghar ko sajā.e rakkheñ

dil meñ soī huī chiñgārī ne karvaT lī hai
ab to is aag se dāman ko bachā.e rakkheñ

hogā 'nik.hat' se mo.attar ye chaman bhī ik roz
bas tirī yaad ke paudoñ ko lagā.e rakkheñ

kaise har dard ko sine mein chhupae rakkhen
aur honTon pe tabassum ko sajae rakkhen

jo the apne wo zamana hua sab chhoD gae
kab talak bazm ko ghairon se sajae rakkhen

ye suna hai ki wahan der hai andher nahin
to chalo bahr-e-dua hath uThae rakkhen

jab ye chhaT jaenge baadal to kiran phuTegi
shama ummid ki ek hum bhi jalae rakkhen

yun to bhule se bhi ab yan na koi aaega
ehtiyatan hi magar ghar ko sajae rakkhen

dil mein soi hui chingari ne karwaT li hai
ab to is aag se daman ko bachae rakkhen

hoga 'nikhat' se moattar ye chaman bhi ek roz
bas teri yaad ke paudon ko lagae rakkhen


Source: Sulagti Barf

Leave a comment

+