Warning: session_start(): open(/tmp/sess_10bnojkgmo6qrklli9qblg08g6, O_RDWR) failed: No space left on device (28) in /razi/eraazi/darbari/chunmun/index.php on line 15
kahin kahin se pur-asrar ho liya jae

Subscribe to our newsletter and get our newest updates

Ghulam Murtaza Rahi

  • Ghazal


kahin kahin se pur-asrar ho liya jae


kahīñ kahīñ se pur-asrār ho liyā jaa.e
ki apne haq meñ bhī hamvār ho liyā jaa.e

vo jis ne zaḳhm lagā.e rakhegā marham bhī
usī kā dil se taraf-dār ho liyā jaa.e

yahī hai niind kā manshā ki ḳhvāb-e-ġhaflat se
sahīh vaqt pe bedār ho liyā jaa.e

girah-kushā.i-e-mauj-e-nafas bahāna hai
ki is bahāne se us paar ho liyā jaa.e

kisī kī raah meñ aane kī ye bhī sūrat hai
ki saaya ke liye dīvār ho liyā jaa.e

kahin kahin se pur-asrar ho liya jae
ki apne haq mein bhi hamwar ho liya jae

wo jis ne zaKHm lagae rakhega marham bhi
usi ka dil se taraf-dar ho liya jae

yahi hai nind ka mansha ki KHwab-e-ghaflat se
sahih waqt pe bedar ho liya jae

girah-kushai-e-mauj-e-nafas bahana hai
ki is bahane se us par ho liya jae

kisi ki rah mein aane ki ye bhi surat hai
ki saya ke liye diwar ho liya jae


Source: Funoon(Jadeed Ghazal Number: Volume-002)

Leave a comment

+