Subscribe to our newsletter and get our newest updates

Farah iqbal

  • Ghazal


kahin yaqin se na ho jaen hum guman ki tarah


kahīñ yaqīñ se na ho jaa.eñ ham gumāñ kī tarah
sambhāl kar hameñ rakhiye matā-e-jāñ kī tarah

jise sadaf kī tarah aañkh meñ chhupāyā thā
vo kho na jaa.e kahīñ ashk-e-rā.egāñ kī tarah

hameñ bhī ḳhauf-e-talātum ne gher rakhā thā
khulā nahīñ thā abhī vo bhī bādbāñ kī tarah

nisāb-e-ishq meñ saare savāl mushkil the
mohabbateñ bhī thiiñ darpesh imtihāñ kī tarah

khule jo lab to unhī ā.inoñ meñ hairat thī
jo dekhte the hameñ aks-e-be-zabāñ kī tarah

jahāñ milī thiiñ kabhī ḳhushbueñ havāoñ se
mahak rahā thā vo jañgal bhī gulistāñ kī tarah

hunar-varī hai hamārī ki apne ḳhvāboñ se
qafas bhī ham ne sajāyā thā āshiyāñ kī tarah

kahin yaqin se na ho jaen hum guman ki tarah
sambhaal kar hamein rakhiye mata-e-jaan ki tarah

jise sadaf ki tarah aankh mein chhupaya tha
wo kho na jae kahin ashk-e-raegan ki tarah

hamein bhi KHauf-e-talatum ne gher rakha tha
khula nahin tha abhi wo bhi baadban ki tarah

nisab-e-ishq mein sare sawal mushkil the
mohabbaten bhi thin darpesh imtihan ki tarah

khule jo lab to unhi aainon mein hairat thi
jo dekhte the hamein aks-e-be-zaban ki tarah

jahan mili thin kabhi KHushbuen hawaon se
mahak raha tha wo jangal bhi gulistan ki tarah

hunar-wari hai hamari ki apne KHwabon se
qafas bhi hum ne sajaya tha aashiyan ki tarah


Leave a comment

+