Subscribe to our newsletter and get our newest updates

Kaleem Aajiz

  • Ghazal


unhen fariyaad na-zeba lage hai


unheñ fariyād nā-zebā lage hai
sitam karte bahut achchhā lage hai

ḳhudā us bazm meñ hāfiz hai dil kā
yahāñ har roz ik charkā lage hai

unheñ apne bhī lagte haiñ parā.e
parāyā bhī hameñ apnā lage hai

baġhair us bevafā se jī lagā.e
jo sach pūchho to jī kis kā lage hai

mohabbat dil-lagī jaano ho pyāre
vahī jaane hai dil jis kā lage hai

uThā aage se saaqī jām-o-mīnā
dil achchhā ho to sab achchhā lage hai

zarā dekh aa.ina merī vafā kā
ki tū kaisā thā ab kaisā lage hai

ġhazal sun kar mirī kahne lage vo
mujhe ye shaḳhs dīvāna lage hai

zarūr aayā karo jalse meñ 'ājiz'
na aao ho to sannāTā lage hai

unhen fariyaad na-zeba lage hai
sitam karte bahut achchha lage hai

KHuda us bazm mein hafiz hai dil ka
yahan har roz ek charka lage hai

unhen apne bhi lagte hain parae
paraya bhi hamein apna lage hai

baghair us bewafa se ji lagae
jo sach puchho to ji kis ka lage hai

mohabbat dil-lagi jaano ho pyare
wahi jaane hai dil jis ka lage hai

uTha aage se saqi jam-o-mina
dil achchha ho to sab achchha lage hai

zara dekh aaina meri wafa ka
ki tu kaisa tha ab kaisa lage hai

ghazal sun kar meri kahne lage wo
mujhe ye shaKHs diwana lage hai

zarur aaya karo jalse mein 'ajiz'
na aao ho to sannaTa lage hai


Leave a comment

+