Subscribe to our newsletter and get our newest updates

Gawwas Qureshi

  • Ghazal


intizar-e-did mein yun aankh pathrai ki bas


intizār-e-dīd meñ yuuñ aañkh pathrā.ī ki bas
marte marte vo huī aalam meñ rusvā.ī ki bas

dekh kar shabnam kī hālat hañs paḌī nau-ras-kalī
do-ghaḌī pattoñ pe rah kar itnā itrā.ī ki bas

dil kī dhaḌkan baḌh ga.ī āñkhoñ meñ aañsū aa ga.e
ik zarā sī baat par itnī hañsī aa.ī ki bas

maut ko bhī marne vaale par taras aa hī gayā
is tarah chaḌhtī javānī meñ qazā aa.ī ki bas

baat kaisī ab to hoñToñ par hai aahoñ kā hujūm
choT khāne par bhī aisī choT par khaa.ī ki bas

tauba karne ko to kar lī hazrat-e-'ġhavvās' ne
yak-ba-yak gardūñ pe vo kaalī ghaTā chhā.ī ki bas

intizar-e-did mein yun aankh pathrai ki bas
marte marte wo hui aalam mein ruswai ki bas

dekh kar shabnam ki haalat hans paDi nau-ras-kali
do-ghaDi patton pe rah kar itna itrai ki bas

dil ki dhaDkan baDh gai aankhon mein aansu aa gae
ek zara si baat par itni hansi aai ki bas

maut ko bhi marne wale par taras aa hi gaya
is tarah chaDhti jawani mein qaza aai ki bas

baat kaisi ab to honTon par hai aahon ka hujum
choT khane par bhi aisi choT par khai ki bas

tauba karne ko to kar li hazrat-e-'ghawwas' ne
yak-ba-yak gardun pe wo kali ghaTa chhai ki bas


Source: Intikhab-e-Sukhan(Volume-009)

Leave a comment

+