Subscribe to our newsletter and get our newest updates

Zafar Siddiqui

  • Ghazal

tamam shahr mein koi bhi ru-shanas na tha


tamām shahr meñ koī bhī rū-shanās na thā
ḳhatā yahī thī ki lahja pur-iltimās na thā

phir us ne kis liye rakkhe havā pe apne qadam
vo gard gard thā sūkhe laboñ kī pyaas na thā

maiñ apne aap luTā āsmāñ kī ḳhvāhish se
zamīñ kā chehra mirī niiñd se udaas na thā

ye kis ne aañkh ko nañgā kiyā hai dariyā meñ
mahaktī ret pe koī bhī be-libās na thā

udaas ho ke sajā carnas ke patthar par
zamīñ pe TuuT ke girtā maiñ vo glass na thā

tamam shahr mein koi bhi ru-shanas na tha
KHata yahi thi ki lahja pur-iltimas na tha

phir us ne kis liye rakkhe hawa pe apne qadam
wo gard gard tha sukhe labon ki pyas na tha

main apne aap luTa aasman ki KHwahish se
zamin ka chehra meri nind se udas na tha

ye kis ne aankh ko nanga kiya hai dariya mein
mahakti ret pe koi bhi be-libas na tha

udas ho ke saja carnas ke patthar par
zamin pe TuT ke girta main wo glass na tha


Source: Book : shab khuun (50) (rekhta website) (Pg. 68) Edition : 1970

Leave a comment

+