be-chehragī-e-umr-e-ḳhajālat bhī bahut hai
is dasht meñ gardāb kī sūrat bhī bahut hai

āñkheñ jo liye phirtā huuñ ai ḳhvāb-e-musalsal!
mere liye ye kār-e-aziyyat bhī bahut hai

tum zād-e-safar itnā uThāoge kahāñ tak
asbāb meñ ik rañj-e-masāfat bhī bahut hai

do saañs bhī ho jaa.eñ baham habs-e-badan meñ
ai umr-e-ravāñ! itnī karāmat bhī bahut hai

kuchh ujrat-e-hastī bhī nahīñ apne mutābiq
kuchh kār-e-tanaffus meñ mashaqqat bhī bahut hai

ab maut mujhe maar ke kyā degī 'ġhazanfar'
āñkhoñ ko to ye ālam-e-hairat bhī bahut hai

be-chehragi-e-umr-e-KHajalat bhi bahut hai
is dasht mein gardab ki surat bhi bahut hai

aankhen jo liye phirta hun ai KHwab-e-musalsal!
mere liye ye kar-e-aziyyat bhi bahut hai

tum zad-e-safar itna uThaoge kahan tak
asbab mein ek ranj-e-masafat bhi bahut hai

do sans bhi ho jaen baham habs-e-badan mein
ai umr-e-rawan! itni karamat bhi bahut hai

kuchh ujrat-e-hasti bhi nahin apne mutabiq
kuchh kar-e-tanaffus mein mashaqqat bhi bahut hai

ab maut mujhe mar ke kya degi 'ghazanfar'
aankhon ko to ye aalam-e-hairat bhi bahut hai