Warning: session_start(): open(/tmp/sess_6i6pn07tpq992l3t3ncr0qa7d3, O_RDWR) failed: No space left on device (28) in /razi/eraazi/darbari/chunmun/index.php on line 15
KHayal tha ki guman ko yaqin bana dunga

Subscribe to our newsletter and get our newest updates

Mahshar Badayuni

  • Ghazal


KHayal tha ki guman ko yaqin bana dunga


ḳhayāl thā ki gumāñ ko yaqīñ banā dūñgā
aur ab ye ḳhvāb likhūñgā bhī to miTā dūñgā

mujhe bhī saath hī le lo magar nahīñ yaaro
maiñ sust-rau huuñ tumhārī thakan baḌhā dūñgā

havā-e-shab mire sho.ale se intiqām na le
ki maiñ bujhā to ufuq tak dhoveñ uḌā dūñgā

baḌe shabāb se aa.egā sail-e-rañg ab ke
phir is meñ maiñ bhī to ik jū-e-ḳhūñ milā dūñgā

chalo ḳhamosh huā maiñ ab is sukūt ke ba.ad
na shab ko tuul na ham-sā.e ko sadā dūñgā

KHayal tha ki guman ko yaqin bana dunga
aur ab ye KHwab likhunga bhi to miTa dunga

mujhe bhi sath hi le lo magar nahin yaro
main sust-rau hun tumhaari thakan baDha dunga

hawa-e-shab mere shoale se intiqam na le
ki main bujha to ufuq tak dhowen uDa dunga

baDe shabab se aaega sail-e-rang ab ke
phir is mein main bhi to ek ju-e-KHun mila dunga

chalo KHamosh hua main ab is sukut ke baad
na shab ko tul na ham-sae ko sada dunga


Source: Book : Kulliyat-e-Mahshar Badayuni (Pg. 138)

Leave a comment

+