Subscribe to our newsletter and get our newest updates

Chitransh Khare

  • Ghazal


donon ki aarzu mein chamak barqarar hai


donoñ kī aarzū meñ chamak barqarār hai
maiñ us taraf huuñ aur vo dariyā ke paar hai

duniyā samajh rahī hai kī us ne bhulā diyā
sach ye hai us ko ab bhī mirā intizār hai

shāyad mujhe bhī ishq ne shādāb kar diyā
mere dil-o-dimāġh meñ har pal ḳhumār hai

kyuuñ maiñ ne us ke pyaar meñ duniyā ujaaḌ lī
is baat se vo shaḳhs bahut sharmsār hai

tū ne adā se dekh kar majbūr kar diyā
tīr-e-nigāh dil ke mire ār-pār hai

daulat se to zarā bhī mohabbat nahīñ mujhe
phir bhī mire nasīb meñ ye be-shumār hai

donon ki aarzu mein chamak barqarar hai
main us taraf hun aur wo dariya ke par hai

duniya samajh rahi hai ki us ne bhula diya
sach ye hai us ko ab bhi mera intizar hai

shayad mujhe bhi ishq ne shadab kar diya
mere dil-o-dimagh mein har pal KHumar hai

kyun main ne us ke pyar mein duniya ujaD li
is baat se wo shaKHs bahut sharmsar hai

tu ne ada se dekh kar majbur kar diya
tir-e-nigah dil ke mere aar-par hai

daulat se to zara bhi mohabbat nahin mujhe
phir bhi mere nasib mein ye be-shumar hai


Leave a comment

+