dekh laTkā sajan terī laT kā
us kī har mū-ba-mū meñ dil aTkā

āb-e-teġh-e-nigah ke pyāse kuuñ
kam-nigāhī kā maar mat phaTkā

ġhamza terā ajab sipāhī hai
jis kī dahshat suuñ bul-havas saTkā

ishq kā zahr us suuñ kyuuñ tere
naag tujh zulf kā jise chaTkā

musta.id haiñ tere yū mardum-e-chashm
mujh ko abrū kā mārne saT kā

hosh 'dā.ūd' kā huā laT-paT
dekh kar terī naaz kā laTkā

dekh laTka sajan teri laT ka
us ki har mu-ba-mu mein dil aTka

aab-e-tegh-e-nigah ke pyase kun
kam-nigahi ka mar mat phaTka

ghamza tera ajab sipahi hai
jis ki dahshat sun bul-hawas saTka

ishq ka zahr us sun kyun tere
nag tujh zulf ka jise chaTka

mustaid hain tere yu mardum-e-chashm
mujh ko abru ka marne saT ka

hosh 'daud' ka hua laT-paT
dekh kar teri naz ka laTka

Source: Book : Mujhe Koi Sham Udhar Do (Pg. 21) Author : Aitabar Sajid Publication : Ilm o Irfan Publishers Lahore (2007,2009) Edition : 2007,2009