kyā ḳhalā āsmān thā pahle
kis kī sūrat pe dhyān thā pahle

dil jo ab shor kartā rahtā hai
kis qadar be-zabān thā pahle

tū jise kārvāñ samajhtā hai
us pe merā nishān thā pahle

jis jagah raushnī Tapaktī hai
vaañ havā kā gumān thā pahle

chup sī kyuuñ lag ga.ī hai 'khullar' ko
kitnā jādū-bayān thā pahle

kya KHala aasman tha pahle
kis ki surat pe dhyan tha pahle

dil jo ab shor karta rahta hai
kis qadar be-zaban tha pahle

tu jise karwan samajhta hai
us pe mera nishan tha pahle

jis jagah raushni Tapakti hai
wan hawa ka guman tha pahle

chup si kyun lag gai hai 'khullar' ko
kitna jadu-bayan tha pahle

Source: Rooh-e-Ghazal,Pachas Sala Intekhab