Subscribe to our newsletter and get our newest updates

Farah Rizwi

  • Ghazal


rog ji-jaan ko lagaya hua


rog jī-jān ko lagāyā huā
zañg ausān ko lagāyā huā

ek aTkā huā hai pinjre meñ
ek par dhyān ko lagāyā huā

ḳhvāb putlī ke martabān meñ juuñ
qufl sāmān ko lagāyā huā

chakh ye mahkā huā qavām-e-ḳhayāl
shaam ke paan ko lagāyā huā

aañkh rakkhī huī hai aahaT par
rāsta kaan ko lagāyā huā

ḳhastagī se gaḌhā huā paivand
dil ke dāmān ko lagāyā huā

rog ji-jaan ko lagaya hua
zang ausan ko lagaya hua

ek aTka hua hai pinjre mein
ek par dhyan ko lagaya hua

KHwab putli ke martaban mein jun
qufl saman ko lagaya hua

chakh ye mahka hua qawam-e-KHayal
sham ke pan ko lagaya hua

aankh rakkhi hui hai aahaT par
rasta kan ko lagaya hua

KHastagi se gaDha hua paiwand
dil ke daman ko lagaya hua


Leave a comment

+