Subscribe to our newsletter and get our newest updates

Lalan Chaudhary

  • Ghazal


asiran-e-ishq-e-butan aur bhi hain


asīrān-e-ishq-e-butāñ aur bhī haiñ
nahīñ maiñ hī mahv-e-fuġhāñ aur bhī haiñ

abhī ye jafā kā hai āġhāz ai dil
vafā ke abhī imtihāñ aur bhī haiñ

nahīñ ik falak kī hai mujh par ināyat
mire haal par mehrbāñ aur bhī haiñ

hamīñ se hai kyuuñ laag barq-e-tapāñ ko
chaman meñ ka.ī āshiyāñ aur bhī haiñ

rah-e-ishq meñ miT ga.e ham to kyā ġham
rah-e-ishq meñ kārvāñ aur bhī haiñ

kahā jab se hai hāl-e-dil un se apnā
vo mujh se hue bad-gumāñ aur bhī haiñ

vatan kī taraqqī pe ḳhush ho na 'āfat'
abhī be-kas-o-be-makāñ aur bhī haiñ

asiran-e-ishq-e-butan aur bhi hain
nahin main hi mahw-e-fughan aur bhi hain

abhi ye jafa ka hai aaghaz ai dil
wafa ke abhi imtihan aur bhi hain

nahin ek falak ki hai mujh par inayat
mere haal par mehrban aur bhi hain

hamin se hai kyun lag barq-e-tapan ko
chaman mein kai aashiyan aur bhi hain

rah-e-ishq mein miT gae hum to kya gham
rah-e-ishq mein karwan aur bhi hain

kaha jab se hai haal-e-dil un se apna
wo mujh se hue bad-guman aur bhi hain

watan ki taraqqi pe KHush ho na 'afat'
abhi be-kas-o-be-makan aur bhi hain


Leave a comment

+