Subscribe to our newsletter and get our newest updates

Imran Rahib

  • Ghazal


uski hasti qaza ki qaid mein hai


us kī hastī qazā kī qaid meñ hai
jo parinda havā kī qaid meñ hai

is se behtar hai yaar mar jā.ūñ
merā jiinā ḳhudā kī qaid meñ hai

shab se ḳhā.if hai niiñd kī titlī
ḳhvāb dast-e-hinā kī qaid meñ hai

dil mirī aañkh meñ dhaḌaktā hai

aañkh terī adā kī qaid meñ hai

sab qabīle haiñ ḳhuun ke pyāse
saarī bastī anā kī qaid meñ hai

chhoḌ kar phir se lauT aatā hai
tū mirī kis duā kī qaid meñ hai

vo ziyā ko bhī phūñk saktā hai
jo añdherā ziyā kī qaid meñ hai

vo hai āzād har havāle se
jo bashar karbalā kī qaid meñ hai

maiñ javānī meñ ho gayā būḌhā
ibtidā intihā kī qaid meñ hai

tum shifā DhūñDte ho duniyā meñ
aur vo ḳhāk-e-shifā kī qaid meñ hai

jaan 'rāhib' samā.atoñ kā hujūm
tirī andhī sadā kī qaid meñ hai

us ki hasti qaza ki qaid mein hai
jo parinda hawa ki qaid mein hai

is se behtar hai yar mar jaun
mera jina KHuda ki qaid mein hai

shab se KHaif hai nind ki titli
KHwab dast-e-hina ki qaid mein hai

dil meri aankh mein dhaDakta hai

aankh teri ada ki qaid mein hai

sab qabile hain KHun ke pyase
sari basti ana ki qaid mein hai

chhoD kar phir se lauT aata hai
tu meri kis dua ki qaid mein hai

wo ziya ko bhi phunk sakta hai
jo andhera ziya ki qaid mein hai

wo hai aazad har hawale se
jo bashar karbala ki qaid mein hai

main jawani mein ho gaya buDha
ibtida intiha ki qaid mein hai

tum shifa DhunDte ho duniya mein
aur wo KHak-e-shifa ki qaid mein hai

jaan 'rahib' samaaton ka hujum
teri andhi sada ki qaid mein hai


Leave a comment

+